Convócase una asamblea abierta pal martes 12 de marzu a les 19:00 hores, na Casa Sindical de Xixón. La impunidá de la violencia neonazi nos últimos tiempos lleva a entamar esti conceyu. Los ultraderechistes pretenden convocar un actu de sofitu a Josué Estébanez, qu’anguaño ta cumpliendo condena na cárcel de Villabona pol asesinatu de Carlos Palomino.
Nes peracabaes selmanes hubo diverses agresiones de calter ultraderechista. Esti mesmu fin de selmana, dellos neonazis con bengales entraron en dos chigres de la zona centro d’Avilés afrellando a diverses persones; el sábadu pasáu afrellaron a un mozu en Xixón con botelles, y ye que nos últimos meses paez qu’estes bandes de "bonehead" campen con total impunidá.
Cabo recordar l’agresión de payares del añu pasau cuándo un grupu d’unos 40 neonazis agredió al vicepresidente del Unión Club de Ceares, quien nesi momentu taba solu nes instalaciones del club.
Y pa cuelmu, so les sigles d’Acción Nacional Revolucionaria, quieren convocar pal próximu sábadu 16 de marzu, un actu de sofitu al coimbre asesín Josué Estébanez, que s’atopa cumpliendo condena na cárcel de Villabona, pol apuñalamientu en 2007 de Carlos Palomino, mozu antifacista vallecanu de 16 años.
Poro, convócase una asamblea abierta’l martes 12 de Marzu a les 19:00 hores na Casa Sindical de Xixón, pa denunciar de toles maneres posibles cualquier amenaza o agresión ultraderechista. Hai qu’organizase pa evitar que les bandes de neonazis puedan actuar cola impunidá que se-yos ta dando dende les instituciones.
No hay comentarios:
Publicar un comentario