La organización de Mocedá Independentista Revolucionario Darréu peslló
delles sedes bancaries pola cuenca'l Nalón. Estes aiciones tan enmarcaes
dientru d'una campaña que ta empobinada a la denuncia de les agresiones de
la oligarquía española y la banca al Pueblu Asturianu. La campaña,
denomada "Rescatemos el nuesu futuru" quier señalar a la banca como un
enemigu del Pueblu Asturianu. Dende Darréu caltienen que los desahucios,
les torgues al accesu a la vivienda moza, la retirada d'aforros, la
intromisión de los bancos na Educación Pública y otros atropellos han de
tener una rempuesta dende la mocedá asturiano.
Asina, delles entidaes bancaries fueron precintaes pola organización de
mocedá, por distintes razones. Los militantes del soberanismu xuvenil
pesllaron los bancos por distintes razones, dende "torgar l'accesu a una
vivienda digna a la mocedá" al fechu de prauticar "terrorismu financieru".
Con estes aiciones tamién quisieron denunciar les situaciones que xeneren
los desahucios, el continuáu espoliu que sofre'l Pueblu Asturianu y la
emigración forciada de la mocedá d'esti país.
Dende Darréu animen a la mocedá asturiano a entamar aiciones contra la
usura bancaria y les agresiones del capitalismu y l'españolismu y anuncien
que siguirán precintando entidaes bancaries mentantu la situación nun
camude.
No hay comentarios:
Publicar un comentario